Fondo cabecera Concello de Samos

Gastronomía

mel

A espléndida contorna natural do concello de Samos, os seus pastos, os ríos e o saber facer da xente é propicio para que a materia prima dos alimentos sexa dunha calidade excelente.

O que un día empezou como una moda entre os restauradores do concello, usar os produtos propios da zona para a elaboración dos seus pratos, pasou a ser de uso común. Non é difícil ver, xente doutras localidades degustando os pratos que aquí se fan.

Os ríos polos que discorren augas frías e cristalinas ofertan troitas e anguías que os cociñeiros expertos da zona saben preparar moi ben sendo uns dos pratos estrela da zona xunto co bacallau, a pescada, as luras e, doutra banda, as carnes.

Os castiñeiros e os carballos cos seus froitos alimentan ó gando bovino e porcino. O porco ofrece moitas formas de ser preparado lacón, cachola, chourizos, morcillas doces, botelo e xamón, entre outras. Aínda que a día de hoxe algunhas destas preparacións como as morcillas doces ou o botelo quedaron relegados ao ámbito doméstico e é algo que aos poucos se vai perdendo. Como reza o devandito "do porco aprovéitanse ata os andares".

Mención especial merece o porco celta, do que se adoita celebrar algunha xornada gastronómica nalgún dos restaurantes do concello e que conta con selo de calidade propio. Trátase dunha raza de porco autóctona que nalgunha época estivo a piques de desaparecer e que na actualidade aínda se está recuperando. A súa carne posúe altas calidades organolépticas e nutricionais. O selo "100% raza autóctona" garante a pureza da raza, a orixe e ceba en liberdade con alimentos naturais.

O gando bovino, ó igual que o ovino, aliméntase dos verdes e abundantes pastos destas terras, polo que a súa carne é de gran calidade, apreciable ao padal. Costeletas exquisitas, filetes de lombo.... saen da carne de vacún, en especial da tenreira rubia galega aínda que existen outras razas autóctonas como poden ser a cachena, vienesa etc.

Outros pratos que podemos degustar son a empanada, o caldo, polbo á Feira, churrasco, carne ó caldeiro, as filloas de leite ou as de sangue en época de matanzas, entre outros moitos.

Os establecementos son recoñecidos pola súa repostería, destacan os denominados biscoitos de Samos, cuxa receita saíu do mosteiro fai mais de 250 anos. Aínda hoxe, séguense facendo e son moi demandados por quen as degustou.
As sobremesas que ofrecen os hostaleiros son na súa gran maioría caseiros, utilizando as materias primas da zona. Outras sobremesas que se poden degustar son as canas e un lote variado de tortas de queixo, castañas (que tamén se utilizan como ingredientes nalgunhas receitas por exemplo carne de tenreira guisada con castañas), queixo con mel,...

Durante a estancia en Samos poderemos comprar alimentos elaborados por pequenas empresas locais, como por exemplo mel de varios produtores locais , os famosos biscoitos de Samos ou carne.

Imaxes

Porco Celta Tenreira galega

Ver máis imaxes

Información sobre el documento

Escudo del    Concello de Samos
Concello de Samos
Plaza de España N°1 – 27620 Samos - Lugo (Galicia)
Teléfono: 982 546002
E-mail: concellosamos@concellosamos.gal